نوازشریف 28 مئی کےبعد قومی سیاست میں متحرک ہوجائیں گے

لاہور(کھوج نیوز) سابق وزیراعظم میاں نوازشریف 28 مئی کے بعد قومی سیاست میں متحرک ہو جائیں گے،ذرائع کے مطابق سابق وزیراعظم نوازشریف پاکستان مسلم لیگ(ن) کی صدارت کا عہدہ 28 مئی کو سنبھالیں گے۔جس کے بعد وہ پنجاب سمیت ملک بھر میں اپنی پارٹی کی سیاسی سرگرمیوں کا آغاز بھی کریں گے۔ بتایا گیا ہے کہ وزیراعظم شہبازشریف اپنی حکومتی ذمہ داروں کی وجہ سے پارٹی صدارت کے انتظامی معاملات ادا کرنے سے قاصر ہیں اور اب یہ ذمہ داری میاں نوازشریف سنبھالیں گے۔ مسلم لیگ(ن) ایک اہم ترین مرکزی رہنما کا کہنا ہے کہ نوازشریف پارٹی کو پارٹی کے ایک اجلاس میں صدر منتخب کر لیا جائے گا جس کے بعد وہ ملک عوامی رابطہ مہم کا آغاز کریں گے۔ یہ بھی معلوم ہوا ہے کہ نوازشریف اپنی جماعت مسلم لیگ نون کی ازسرنو تنظیم سازی بھی شروع کریں گے اور اس کا دائرہ کار ملک کے چاروں صوبوں تک پھیلائیں گے۔