نگراں وزیراعلیٰ بلوچستان کون ہوگا؟ نام سپیکر کو بھیج دیئے گئے

بلوچستان(مانٹیرنگ ڈیسک) نگراں وزیراعلیٰ بلوچستان کون ہوگا؟ اس حوالے سے سپیکر بلوچستان اسمبلی کو حکومتی پارلیمانی کمیٹی کے نام بھجوا دے دیئے گئے ہیں ۔

تفصیلات کے مطابق ذرائع کا بتانا ہے کہ وزیر اعلیٰ عبدالقدوس بزنجو نے نگران وزیراعلیٰ بلوچستان کی نامزدگی کے لیے پارلیمانی کمیٹی کے ارکان کے نام فائنل کر لیے ہیں۔ ذرائع کا کہنا ہے کہ حکومتی پارلیمانی کمیٹی کے نام اسپیکر بلوچستان اسمبلی کو بھیج دیئے گئے ہیں۔ ذرائع کا بتانا ہے کہ پارلیمانی کمیٹی میں وزیراعلیٰ عبدالقدوس بزنجو، سردار عبدالرحمان کھیتران اور زمرک خان اچکزئی شامل ہیں۔