وزیرِاعظم شہبازشریف نےپاکستان کےتاریخی ورثوں کو سیاحتی مقامات بنانےکا اعلان کردیا

اسلام آباد(ویب ڈیسک)وزیرِاعظم شہبازشریف نےپاکستان کےتاریخی ورثوں کو سیاحتی مقامات بنانےکا اعلان کردیا۔ شہبازشریف نےپاکستانی وفد کےہمراہ چین کےتاریخی ورثے ٹیراکوٹا واریئرزمیوزیم کا دورہ کیا۔ گزشتہ روز چینی صدرشی جن پنگ نےوزیرِاعظم کو اپنےآبائی شہرشی آن میں ٹیرا کوٹا واریئرزمیوزیم کا دورہ کرنے کی دعوت دی۔

دورے میں وزیرِ اعظم اور پاکستانی وفد کو تاریخی ورثہ جات کے تحفظ و بحالی اور سیاحت کے فروغ کے حوالے سے بریفنگ دی گئی۔ شہباز شریف نے میوزیم کے مختلف حصوں کا دورہ کیا، قدیم چینی تاریخی ورثے کی خوبصورتی اور چینی ہنر کی تعریف کی۔

اس موقع پر گفتگو کرتے ہوئے شہباز شریف نے کہا کہ عظیم قومیں اپنے تاریخی ورثے کی حفاظت کرتی ہیں، چین نے محنت سے دنیا کے ہر شعبے میں اپنا لوہا منوایا ہے، شی جن پنگ کی اس میوزیم کے دورے کی دعوت پر ان کا بے حد مشکور ہوں۔ وزیرِ اعظم کا کہنا ہے کہ پاکستان تاریخی و ثقافتی ورثے سے مالا مال ہے، پاکستان میں بھی ایسی تاریخی جگہوں کی بحالی کے بعد انہیں سیاحتی مقامات میں تبدیل کریں گے۔