پنجاب کی ابتدائی کابینہ میں کون کون سے ارکان اسمبلی شامل ہوں گے؟ نام سامنے آگئے
ن لیگ سے 13، ق لیگ سے 2 اور آئی پی پی سے ایک جبکہ بیگم ذکیہ شاہنواز، مریم اورنگزیب ، سلمان رفیق، خواجہ عمران نذیر، بلال یاسین اور مجتبیٰ شجاع الرحمان شامل ہوں گے
لاہور(کھوج نیوز) پنجاب کی ابتدائی کابینہ میں کون کون سے ارکان اسمبلی شامل ہوں گے؟ نام سامنے آگئے ہیں جبکہ یہ بھی سننے میں آ رہا ہے کہ پنجاب میں کابینہ کی تشکیل دو مراحل میں ہوگی۔
تفصیلات کے مطابق ذرائع نے بتایا ہے کہ پہلے مرحلے میں 16 رکنی کابینہ تشکیل دی جائے گی جس پر (ن) لیگ اور اتحادیوں کے درمیان مشاورت مکمل ہوچکی ہے جب کہ دوسرے مرحلے میں 7 سے 10 وزرا کو پنجاب کابینہ میں شامل کیا جائے گا۔ ذرائع کا بتانا ہے کہ (ن) لیگ سے 13، مسلم لیگ (ق) سے 2 اور آئی پی پی سے ایک وزیر کابینہ مین شامل ہوگا۔ ذرائع کے مطابق پنجاب کابینہ میں بیگم ذکیہ شاہنواز، مریم اورنگزیب ، خواجہ سلمان رفیق، خواجہ عمران نذیر، بلال یاسین اور مجتبی شجاع الرحمان شامل ہوں گے۔
اس کے علاوہ خضر حسین مزاری، منشا اللہ بٹ، عاشق کرمانی، نعیم خان بھابھہ، عظمی بخاری، فیصل ایوب، شیر علی گورچانی،احمد خان لغاری، راحیلہ خادم حسین اور سبطین بخاری بھی کابینہ کا حصہ ہوں گے۔ ذرائع کے مطابق دوسرے مرحلے میں ملک آصف، اختر بوسال، یاور زمان، فدا حسین، ملک تنویر، اسلم ملک، اسد کھوکھر، فرخ جاوید اور سلمان نعیم کو پنجاب کابینہ میں شامل کیا جائے گا جب کہ (ق) لیگ کے چوہدری شافع حسین اور آئی پی پی کے غضنفر چھینہ بھی کابینہ کا حصہ ہوں گے۔
