مہنگائی کنٹرول کرنےکا جدید سسٹم ،نگران حکومت کی افسرشاہی نےرکاوٹ کھڑی کردی

اسلام آباد(کھوج نیوز)مہنگائی کنٹرول کرنےکا جدید سسٹم ،نگران حکومت کی افسرشاہی نےرکاوٹ کھڑی کردی ،تفصیلات کے مطابق شہباز حکومت کے دور میں مہنگائی کنٹرول کرنے کا جدید نظام نگران وزیراعظم انوالاحق کاکڑ کی افسر شاہی کے ہوتھوں برباد ہوگیا،رپورٹ کے مطابق سابق حکومت کی جانب سے ملک میں مہنگائی کنٹرول کرنے کیلیے تیار کردہ منفرد اور جدید نظام نگران حکومت کی افسر شاہی کی نذر ہوگیا۔

بیورو کریسی نے اس نئے جدید نظام کے اطلاق کو روک دیا۔ وزارت خزانہ کا کہنا ہے کہ سابق حکومت نے اشیائے ضروریہ کی طلب و رسد اور قیمتوں پر نظر رکھنے کیلیے جدید ڈیش بورڈ بنوایا تھا۔ذرائع کے مطابق پاکستان ایڈمنسٹریٹو سروس کی شدید مخالفت کے باعث اس کا اطلاق روک دیا ہے۔ پی اے ایس افسران کے شدید دبا پر منصوبہ بندی کمیشن نے ڈیش بورڈ کو ختم کر دیا ڈیش بورڈ ضلعی سطح، صوبائی وزارتوں ، وزرا اعلی ، وفاقی وزارتوں اور وفاقی وزرا اور وزیراعظم کے دفاتر میں لگنا تھا۔

ذرائع کے مطابق ڈیش بورڈ مختلف مارکیٹس میں قیمتوں میں فرق کی نشاندھی کرتا تھا یہ ڈیش بورڈ پاکستان شماریات بیورو سے بنوایا گیا تھا پاکستان بیورو آف شماریات ملک کے 31 شہروں کی 51 مارکیٹس سے ہفتہ وار اور ماہوار بنیاد پر ڈیٹا اکٹھا کرتا ہے۔