نوازشریف نے عمران خان کا ذکر کیوں گول کردیا؟

لاہور(کھوج نیوز)نوازشریف نے عمران خان کا ذکر کیوں گول کردیا؟نواز شریف نے کہا کہ  وہ چیئرمین پی ٹی آئی (عمران خان) کا نام لینا نہیں چاہتے کیونکہ وہ اپنی اپنی تربیت کا فرق برقرار رکھنا چاہتے ہیں۔ سابق وزیر اعظم اور مسلم لیگ (ن) کے قائد نواز شریف کا کہنا ہے کہ وہ چیئرمین پی ٹی آئی کا نام نہیں لینا چاہتے۔ چار برس بعد خود ساختہ جلاوطنی کے بعد لندن سے پاکستان لوٹنے والے میاں محمد نواز شریف نے 21 اکتوبر کو لاہور میں مینارِ پاکستان پر جلسہ کیا جس میں سابق وزیر اعظم شہباز شریف، مریم نواز، حمزہ شہباز ، مریم اورنگزیب سمیت ن لیگ کے دیگر رہنما شامل تھے۔

جلسے سے خطاب میں نواز شریف نے کہا کہ  وہ چیئرمین پی ٹی آئی (عمران خان) کا نام لینا نہیں چاہتے کیونکہ وہ اپنی اپنی تربیت کا فرق برقرار رکھنا چاہتے ہیں۔ نواز شریف نےکہا کہ تسبیح میرے پاس بھی ہے مگر میں کوشش کرتا ہوں کسی کے سامنے نہ پڑھوں۔