وزیر اعلیٰ پنجاب مریم نوازکا غیرقانونی تعمیرات میں ملوث مافیا کےخلاف ایکشن

لاہور(کھوج نیوز) وزیر اعلیٰ پنجاب مریم نواز نے غیر قانونی تعمیرات میں ملوث مافیا کے خلاف ایکشن لیتے ہوئے شہر میں جاری غیر قانونی تعمیرات کرنے والوں کے خلاف سخت قانونی کارروائی کا فیصلہ کرلیا۔ ذرائع کے مطابق میٹروپولیٹن کارپوریشن لاہور کا عملہ اپنے افسران کو گمراہ کرنے لگا، لاہور میں میٹروپولیٹن کارپوریشن کے افسران کی مبینہ ملی بھگت سے غیر قانونی تعمیرات کا سلسلہ جاری ہے۔

ذرائع کا کہنا ہے کہ داتا گنج بخش زون اور واہگہ زون میں غیر قانونی تعمیرات جاری ہیں، منیار پاکستان فلائی اوور کے سامنے تین کنال کی اراضی پر بھی غیر قانونی تعمیرات جاری ہیں۔ علاوہ ازیں غیر قانونی عمارت کے خلاف کارروائی کے لیے جانے والی ٹیم بھی ناکام واپس آ گئی، داتا گنج بخش زون کے افسران نے صورتحال سے واقف ہونے کے باوجود خاموشی اختیار کر رکھی ہے۔

ذرائع نے مزید بتایا کہ منیار پاکستان سے ملحقہ کسی عمارت کی تعمیر نہیں ہو سکتی، اسی طرح واہگہ زون میں بھی غیر قانونی تعمیرات کروائی جا رہی ہے، مختلف زون کے بلڈنگ انسپکٹرز نے اپنے افسران کی آشیرباد حاصل ہونے کی وجہ سے مافیا کے ساتھ گٹھ جوڑ کر رکھا ہے۔

اس حوالے سے ایم او پی محمد سلیم کا کہنا ہے کہ منیار پاکستان فلائی اوور کے سامنے غیر قانونی تعمیرات میں ملوث ذمہ داروں کے خلاف کارروائی کی جائے گی۔ ترجمان میٹروپولیٹن لاہور نے بتایا ہے کہ منیار پاکستان فلائی اوور کے سامنے غیر قانونی تعمیرات کے خلاف ایکشن لیا گیا ہے۔

دوسری جانب کام کی جگہ پر حفاظت اور صحت کے عالمی دن کے موقعہ پر وزیراعلیٰ مریم نواز کا پیغام۔ مریم نواز نے کہا مالکان کوورکرز کا تحفظ اور صحت مند ماحول یقینی بنانا چاہیے۔ ملازمین کی صحت اور حفاظت کی پروا نہ کرنے والی کمپنی کو جرمانہ ہو گا

وزیراعلیٰ پنجاب مریم نواز نے کام کی جگہ پر حفاظت اور صحت کےعالمی دن کے موقع پر پیغام دیتے ہوئے کہا کہ اکوپیشنل سیفٹی ڈے منانے کا مقصد ورکرز کا ورک پلیس پر تحفظ یقینی بنانے کے عزم کا اعادہ کرنا ہے۔ مریم نواز نے مزید کہا کہ پنجاب کے ہر ورکر کی صحت، بہبود اور حفاظت کے لیے پرعزم ہوں، کارکن کی حفاظت سب سے پہلے ہے، بحفاظت گھر واپس یقینی بنائیں گے۔

انہوں نے مزید کہا کہ نجی اداروں کے اشتراک سے آکو پیشنل سیفٹی مہم شروع ہے، کار خانوں، دفاتر، تعمیراتی مقامات اور کھیتوں میں سیفٹی کلچرکا شعورضروری ہے، سیفٹی ایکٹ اور ٹریننگ کر کے حادثات کو روک سکتے ہیں۔

وزیراعلیٰ پنجاب کا کہنا تھا کہ مالکان کو ورکرز کا تحفظ اور صحت مند ماحول یقینی بنانا چاہیئے، ملازمین کی صحت اور حفاظت کی پروا نہ کرنے والی کمپنی کو جرمانہ ہو گا، آکوپیشنل سیفٹی حکومت کی ذمہ داری ہے، عملدرآمد یقینی بنائیں گے۔