2019ء میں لندن میٹنگ ‘نواز شریف سے قرآن مجید پر کونسا حلف لیا گیا تھا؟

لاہور(کھوج نیوز) 2019ء میں لندن میں ہونے والی میٹنگ کے دوران قائد مسلم لیگ ن نوازشریف سے قرآن مجید پر کونسا حلف لیا گیا تھا؟ ماضی کے پنوں سے بڑی خبر سامنے آگئی۔

تفصیلات کے مطابق بتایا جاتا ہے کہ 2019ء میں نوازشریف نے جنرل باجوہ کو بطور آرمی چیف مدت ملازمت میں توسیع دلوا دی تھی ۔ اس کے لیے سابق وزیراعظم نے لندن میں باقاعدہ میٹنگ بلوائی اور حسین نواز سے کہا گیا کہ قرآن مجید لے کر آئیں’ اس میٹنگ میں اور لوگ بھی تھے ان کے سامنے قرآن پر حلف لیا گیا کہ پاکستان جا کر جنرل باجوہ کی ہر صورت حمایت کرنی ہے اور اس کے بدلے میں کچھ نہیں مانگیں گے اور ان کو ہر صورت توسیع دینی ہے۔ انہوں نے خود یہ فیصلہ کیاکہ قرآن پاک پر حلف لیا کہ یہ انفارمیشن باہر لیک نہیں ہونی چاہیے ۔ کہا جاتا ہے کہ رانا تنویر نے پاکستان آتے ہی یہ تمام تفصیلات لیک کر دیں۔ اسی اجلاس میں خواجہ آصف کو تمام تر معاملات ٹھیک کرنے کی ذمہ داری دی گئی تھی کیونکہ یہ خیال کیا جاتا تھا کہ خواجہ آصف کے جنرل باجوہ سے اچھے تعلقات تھے۔ تاہم بعد ازاں پارٹی کی جانب سے الزام لگایا گیا کہ خواجہ آصف کو نواز شریف نے کھلے دل سے حمایت کرنے کے لیے نہیں کہا تھا۔ حکومت سے پلان مانگ کر، نخرے دکھا کر ماننا تھا لیکن خواجہ آصف نے نواز شریف سے منسوب کر کے یہ پیغام دیا۔