راجا ریاض کی (ن) میں شمولیت،نوازشریف کو واپسی کا گرین سگنل

لاہور(کھوج نیوز)قومی اسمبلی میں سابق اپوزیشن لیڈر راجا ریاض کی لندن میں نوازشریف سے ملاقات کے موقع پر مسلم لیگ (ن) میں شمولیت اختیار کرلی،رپورٹ کے مطابق سابق وزیراعظم کو ان کی قانونی ٹیم نے گرین سگنل دیدیا ہے اور کہا گیا ہے کہ نوازشریف کی وطن واپسی کی راہ میں کوئی رکاوٹ موجود نہیں رہی ْتفصیلات کے مطابق پاکستان مسلم لیگ ن کے قائد سابق وزیراعظم نوازشریف کوقانونی ٹیم نے 21اکتوبر کو وطن واپسی کیلئے باقاعدہ کلیئرنس دے دی، نوازشریف کی وطن واپسی کی راہ میں کوئی قانونی مشکل حائل نہیں۔

میڈیا رپورٹس کے مطابق پاکستان مسلم لیگ ن کے قائد اور سابق وزیراعظم محمد نوازشریف کی زیرصدارت اجلاس میں اعظم نذیر تارڑ اور امجد پرویز نے شرکا کو بریفنگ دی، اجلاس میں شہبازشریف، اسحاق ڈار ، عطا تارڑ، ودیگر رہنما شریک ہوئے۔قانونی ٹیم نے نوازشریف کو وطن واپسی کیلئے کلیئرنس دے دی ہے، نوازشریف کی وطن واپسی کی راہ میں کوئی قانونی مشکل حائل نہیں۔

بریفنگ میں قائد ن لیگ نوازشریف کو یقین دہانی کرائی گئی کہ نیب ترامیم کیس کے فیصلے کا نوازشریف کے کیسز سے کوئی تعلق نہیں، اس فیصلے کا نوازشریف کے کیسز پر کوئی اثر نہیں پڑے گا۔وکیل امجد پرویز نے کہا کہ مریم نواز کا کیس میرٹ پر جیتا تھا، وہ کیس ہے وہی حقائق ہیں، وہی چیزیں نوازشریف کے کیس پر اپلائی ہوتی ہیں۔نیب ترامیم سے نوازشریف یا شہبازشریف نے کوئی فائدہ نہیں اٹھایا۔قانونی ٹیم نے نوازشریف کی پاکستان واپسی کیلئے لائحہ عمل تیار کرلیا ہے۔