نوازشریف نے کون سی دستاویزات پر دستخط کئے؟پتا چل گیا

اسلام آباد (ویب ڈیسک)نوازشریف نے کون سی دستاویزات پر دستخط کئے؟پتا چل گیا، سابق وزیراعظم نوازشریف 4 سال بعد پاکستان واپس پہنچ گئے ہیں، اسلام آباد ایئر پورٹ پر انہوں نے امیگریشن کے تمام قانونی معاملات مکمل کیئے اور دیگر اہم دستاویزات پر دستخط کر دیئے ہیں ۔

تفصیلات کے مطابق نوازشریف نے سٹیٹ گیسٹ لاﺅنچ میں اپنے وکلاءاور سابق وزیر خزانہ اسحاق ڈار سے ملاقات کی ، اسی دوران نوازشریف نے پاکستان پہنچنے پر امیگریشن کے قانونی معاملات نپٹائے اور اس کے علاوہ میاں نوازشریف نے ایون فیلڈ اور العزیزیہ ریفرنسز میں سزا کے خلاف اپیلیں بحال کرانے کیلئے درخواست پر دستخط بھی کر دیئے ہیں ۔
نوازشریف اسلام آباد سے لاہور روانہ ہوں گے ، لاہور ایئر پورٹ پر نوازشریف کا استقبال مریم نواز اور شہبازشریف کریں گے ، ن لیگ کی جانب سے کارکنان کو ایئر پورٹ کی بجائے مینار پاکستان جانے کی ہدایت کی گئی ہے ۔