نوازشریف کی وطن واپسی، چوہدری شجاعت کا خیر مقدم

لاہور(کھوج نیوز) مسلم لیگ ن کے قائد و سابق وزیراعظم میاں نوازشریف کی وطن واپسی پر سربراہ مسلم لیگ ق چوہدری شجاعت حسین نے ان کی واپسی کا خیر مقدم کیا ہے۔

تفصیلات کے مطابق چوہدری شجاعت حسین کا کہنا ہے کہ اس وقت ملک کو یکجہتی اور مفاہمت کی ضرورت ہے، نواز شریف کو معیشت کی بحالی اور مہنگائی کے خاتمے کے لیے محنت کرنا پڑیگی۔ چوہدری شجاعت حسین کا کہنا ہے کہ عوام کو نواز شریف سے بہت امیدیں ہیں، ملک کو انتقامی سیاست نہیں بلکہ مضبوط معیشت کی ضرورت ہے۔ انہوں نے مزیدکہا کہ لوگوں کو ریلیف فراہم کرنا اور قومی مفادات کا تحفظ سب کی مشترکہ ذمہ داری ہے۔