سانحہ 9 مئی:شاہ محمود قریشی کا دھڑن تختہ،مجرم قرار دیدیا گیا

 اسلام آباد(کھوج نیوز)سانحہ 9 مئی:شاہ محمود قریشی کا دھڑن تختہ،مجرم قرار دیدیا گیا۔رپورٹ کے مطابق نو مئی مقدمات کی تفتیش میں جے آئی ٹی نے شاہ محمود قریشی کو مجرم قرار دے دیا۔ کھوج نیوز رپورٹ کے مطابق سانحہ نو مئی، دہشت گردی سمیت سات مقدمات کی تفتیش جاری ہے، پولیس ذرائع کا کہنا ہے کہ پی ٹی آئی رہنما شاہ محمود قریشی کو قصور وار قرار دے دیا گیا ہے، شاہ محمود قریشی کو ان مقدمات کی تفتیش کرنے والی جے آئی ٹی (جوائنٹ انویسٹی گیشن ٹیم) نے متضاد بیانات اور شواہد کی بنا پر قصوروار قرار دیا ہے۔

پولیس ذرائع کےمطابق نو مئی کےواقعات پرشاہ محمود قریشی سوالات کا تسلی بخش جواب نہ دے سکے، جلاؤ گھیراؤ اورپُرتشدد واقعات میں شاہ محمود قریشی کا عمل دخل ڈیجیٹل شواہد میں بھی ثابت ہوا، مشترکہ تحقیقاتی ٹیم نے اڈیالہ جیل میں شاہ محمود قریشی سےتفتیش کی۔ پولیس ذرائع کے مطابق ساتوں مقدمات میں گناہ گارقرار دے کرچالان عدالت میں جمع کروادیا گیا ہے، جےآئی ٹی شاہ محمود قریشی کا بیان ریکارڈ کرنے تین بارجیل گئی۔