مالی سال2024ء میں کتنے لوگ روز گار کیلئے بیرون ملک گئے؟ اعداد و شمار سامنے آگئے
سال 2023ء میں پاکستان سے 8 لاکھ 11 ہزار 469 افراد جبکہ سال 2024ء میں پاکستان سے 7 لاکھ 89 ہزار 837 لوگ روزگار کیلئے بیرون ملک گئے ہیں
اسلام آباد(کھوج نیوز) مالی سال 2024ء میں کتنے افراد روز گار کے سلسلے میں پاکستان سے بیرون ملک گئے ؟ اس حوالے سے اعدادو شمار سامنے آگئے ہیں جو کہ ایک چونکا دینے والی بات ہے۔
تفصیلات کے مطابق بیورو آف امیگریشن اینڈ اوور سیز ایمپلائمنٹ کے مطابق گزشتہ مالی سال 2023ء میں پاکستان سے 8 لاکھ 11 ہزار 469 افراد روزگار کیلئے بیرون ملک گئے تھے۔مالی سال 2024ء میں پاکستان سے 7 لاکھ 89 ہزار 837 لوگ روزگار کیلئے بیرون ملک چلے گئے۔
ڈپٹی ڈائریکٹر بیورو آف امیگریشن اینڈ اوور سیز ایمپلائمنٹ عبدالشکور سومرو کا کہنا تھا کہ اسی عرصے میں عرب امارات نے پروفیشنل کیٹیگریز میں ویزا جاری کیے ہیں جبکہ پروفیشنل ورکرز کی مانگ امریکا اور یورپ میں بڑھی ہے۔انہوں نے کہا کہ مالی سال 2024 میں سعودی عرب سے ویزا جاری ہونے میں مسائل رہے اور سعودیہ نے زیادہ تر ویزے لیبر کلاس کو جاری کیے۔
