بانی پی ٹی آئی اورشیخ رشید سمیت چارملزمان کو عدالت کی طرف سےایک اورریلیف مل گیا

اسلام آباد(کھوج نیوز) بانی پی ٹی آئی اور شیخ رشید سمیت چار ملزمان کو عدالت کی طرف سے ایک اور ریلیف مل گیا۔رپورٹ کے مطابق اسلام آباد کی ڈسٹرکٹ اینڈ سیشن کورٹ نے بانیٔ پی ٹی آئی، شاہ محمود قریشی، شیخ رشید، اسد قیصر و دیگر ملزمان کو تھانہ آبپارہ میں درج مقدمے سے بری کر دیا۔ جوڈیشل مجسٹریٹ اسلام آباد یاسر محمود نے محفوظ کیا گیا فیصلہ سنا دیا۔ دورانِ سماعت بانیٔ پی ٹی آئی، شیخ رشید و دیگر کی جانب سے سردار مصروف ایڈووکیٹ اور انصر کیانی نے دلائل دیے۔ بانیٔ پی ٹی آئی، شاہ محمود قریشی، شیخ رشید، شہر یار آفریدی، فیصل جاوید، راجہ خرم نواز، علی نواز اعوان، اسد قیصر سمیت دیگر کے خلاف الیکشن کمیشن کے فیصلے کے خلاف احتجاج پر تھانہ آبپارہ میں مقدمہ درج کیا گیا تھا۔