پی ٹی آئی پر پابندی کا فیصلہ’ حکومت کا یا کسی اور کا؟ جے یو آئی نے بڑا سوال اٹھا دیا

اسلام آباد(کھوج نیوز) پاکستان تحریک انصاف (پی ٹی آئی) پر پابندی کا فیصلہ، حکومت کا ہے یا کسی اور کا…؟ اس حوالے سے جمعیت علماء اسلام (ف) نے بڑا سوال اٹھا دیا ہے۔

تفصیلات کے مطابق جمعیت علماء اسلام (ف) کے رہنماء حافظ حمد اللہ نے کہا ہے کہ کیا پی ٹی آئی پر پابندی لگانیکا فیصلہ حکومت کا ہے؟ کیا اس فیصلے سے سیاسی اور معاشی استحکام آسکے گا؟ اس فیصلے سے تصادم بڑھے گا یا کم ہوگا؟ان کا کہنا تھا کہ حکومت اس فیصلے سے عدالت کو آنکھیں دکھا رہی ہے یا طاقت کی وکالت کر رہی ہے، ملک میں سیاسی، معاشی استحکام کے لیے جلدازجلدصاف،شفاف انتخابات ناگزیر ہیں۔ انہوں نے کہا کہ حکومت اس فیصلے سے عدالت کو آنکھیں دکھا رہی ہے یا طاقت کی وکالت کر رہی ہے؟ حافظ حمداللہ کا کہنا تھا کہ فیصلے سے عوام اور ملک کو کیا فائدہ ہوگا؟ فارم 47 کی حکومت کو کیا ایسے فیصلے کرنیکا حق حاصل ہے؟ ماضی میں جن سیاسی جماعتوں پر پابندی لگائی گئی تھی وہ جماعتیں آج بھی موجود ہیں، ماضی میں پابندی لگانے والوں کے نام ونشان نہیں ہیں۔