وزیردفاع خواجہ آصف نےبھٹو کو پھانسی کی سزا دینے والے ججوں پر آرٹیکل 6 لگانےکا مطالبہ کردیا
مسلم لیگ (ن )کے رہنما وزیردفاع خواجہ آصف نےکہاہے کہ بعض عدالتی فیصلوں کی وجہ سے آج بھی پاکستان ایڑیاں رگڑ رہا ہے
سیالکوٹ(کھوج نیوز)وزیردفاع خواجہ آصف نےبھٹو کو پھانسی کی سزا دینے والے ججوں پر آرٹیکل 6 لگانےکا مطالبہ کردیا۔رپورٹ کے مطابق مسلم لیگ (ن )کے رہنما وزیردفاع خواجہ آصف نےکہاہے کہ بعض عدالتی فیصلوں کی وجہ سے آج بھی پاکستان ایڑیاں رگڑ رہا ہے، جن لوگوں نے بھٹو کو پھانسی پر چڑھانے کا فیصلہ دیا ان پر آرٹیکل 6لگائیں،ان ججوں کی قبروں سے نکالیں اور ٹرائل کریں۔
کھوج نیوز کے مطابق وزیردفاع خواجہ آصف نے سیالکوٹ میں پریس کانفرنس کرتے ہوئے کہاکہ 9مئی کے واقعات کا دفاع کیا جارہا ہے،ہمارا عدالتی نظام 9مئی واقعات میں ملوث ملزمان کو تحفظ دے رہا ہے،9مئی واقعات کو ایک سال سے زیادہ عرصہ ہوگیا ہے،سپریم کورٹ نے 9مئی کے فیصلے پرالتوادیا ہوا ہے،تاریخ اٹھا کر دیکھ لیں ججوں نےکیسے کیسے فیصلے دیئے ہیں،آئین کو ری رائٹ کیا جارہا ہے،آئین سے ماورا فیصلے دینے پر کسی ایک جج پر توہین عدالت لگی ہے؟26لاکھ کیسزالتوا کا شکار ہیں ۔
وزیردفاع نےکہاکہ خیبرپختونخوا حکومت کہہ رہی ہےوہ آپریشن میں حصہ نہیں لےگی،سب سےزیادہ دہشتگردی خیبرپختونخوا میں ہورہی ہے،کوئی دن ایسا نہیں جاتا جس دن شہادتیں نہ ہوتی ہوں، کیا عزت اور آبرو صرف ایک ادارے کی ہے؟ خواجہ آصف نے کہاکہ وزیراعظم کے خلاف سازش کی گئی، دھرنے دیئے گئے،ہم سیاستدان کو اتنا کمزور نہ سمجھا جائے کہ ان کا آئین اور قانون سازی کا حق بھی استعمال کیا جائے،کیا ہماری ضمانتیں ہوتی تھیں،کیا عدالتوں سے ہمیں انصاف ملتا تھا؟نوازشریف کے کیس میں مانیٹرنگ جج لگا یا گیا تاکہ سکرپٹ کے تحت فیصلہ ہو، نوازشریف کو تین مرتبہ قید کیا گیا اس کی کبھی سائیکل کا بھی چالان ہوا؟
انہوں نے کہاکہ زرداری صاحب سے متعلق بانی پی ٹی آئی کیا کہا کرتے تھے؟شہبازشریف نے مذاکرات کی پیش کش کی جس پر وہ کہتے ہیں کہ آرمی چیف کے ساتھ کریں گے،اپنی مرضی سے قوانین کا اطلاق ہوتا رہا تو دعا کی جا سکتی ہے،یہ تو کہتے ہیں بانی پی ٹی آئی نہیں تو ملک نہیں،امریکا کسی دن غزہ کی صورتحال پر بھی تشویش کااظہارکرے۔
