مخصوص نشستوں کا معاملہ، پی ٹی آئی نے یوٹرن لے لیا

اسلام آباد(کھوج نیوز) سپریم کورٹ کی جانب سے مخصوص نشستوں کا فیصلہ آنے کے بعد تحریک انصاف (پی ٹی آئی ) نے یوٹرن لیتے ہوئے اس کی فہرستیں تبدیل کرنے کا فیصلہ کرلیا ہے۔

تفصیلات کے مطابق پارٹی ذرائع نے بتایاکہ مخصوص نشستوں پر خواتین اور اقلیتی امیدواروں کی فہرست میں تبدیلی ہو گی اور بانی پی ٹی آئی عمران خان کے سامنے تبدیل شدہ فہرست اور نام رکھے جائیں گے۔ پارٹی ذرائع کے مطابق مخصوص نشستوں کے لیے دی گئی فہرست کو تبدیل کیا جائے گا جس کے بعد پرانی فہرست میں شامل ناموں کو تبدیل کرنے پر مشاورت کا آغاز کردیا گیا ہے۔ پی ٹی آئی چیئرمین بیرسٹر گوہر نے مخصوص نشستوں کیلئے نئی فہرست تیار کرنے کی تصدیق کی اور کہا کہ مخصوص نشستوں کیلئے نئی فہرست کی حتمی منظوری بانی پی ٹی آئی دیں گے۔ ذرائع کا کہنا ہے کہ پارٹی کی سینئر قیادت کو سابق فہرست میں موجود چند ناموں پر تحفظات ہیں۔