پی ٹی آئی نےایک بارپھرچیف الیکشن کمشنر کےخلاف محاذ کھول دیا

اسلام آباد(کھوج نیوز)پی ٹی آئی نےایک بارپھرچیف الیکشن کمشنر کےخلاف محاذ کھول دیا۔رپورٹ کے مطابق چیف الیکشن کمشنرسکندرسلطان راجہ اورممبران کےخلاف سپریم جوڈیشل کونسل میں شکایت دائرکردی گئی۔ شکایت حلیم عادل شیخ، جسٹس (ر) نورالحق قریشی اورشبیراحمد نےمشترکہ طورپردائرکی ہے۔ شکایت کےمتن کےمطابق چیف الیکشن کمشنراورارکان آئینی ذمےداری ادا کرنے میں ناکام رہے، انہوں تحریک انصاف کےمینڈیٹ اورعدالتی فیصلوں کو نیچا دکھانےکی کوشش کی۔

حلیم عادل شیخ،جسٹس (ر) نورالحق قریشی اورشبیراحمد نےکہا ہے کہ چیف الیکشن کمشنر اور ارکان کے اقدامات سے 12 کروڑ سے زائد ووٹرز متاثر ہوئے۔ شکایت میں استدعا کی گئی ہے کہ چیف الیکشن کمشنر اور ارکان پر عائد الزامات کی انکوائری کی جائے۔