9مئی کے منصوبہ سازوں کی سہولت کاری، پاک فوج کی عدلیہ کووارننگ

راولپنڈی (کھوج نیوز) 9مئی کے منصوبہ سازوں کی سہولت کاری پر پاک فوج نے عدلیہ کو وارننگ دیتے ہوئے کہا کہ ، فوجی ایس او پیز کے مطابق تنصیبات پر حملہ ہو تو پہلے وارننگ دی جاتی ہے، پھر ہوائی فائرنگ اور پھر جواب دیا جاتا ہے۔

تفصیلات کے مطابق ڈی جی آئی ایس پی آر کا کہنا تھا کہ 9 مئی کے بعد انتشاری ٹولے نے پراپیگنڈا کیا تھا کہ فوج نے جتھوں کو گولی کیوں نہیں ماری، اس کا مطلب ہے فوج نے یہ واقعہ خود کرایا، فوجی ایس او پیز کے مطابق تنصیبات پر حملہ ہو تو پہلے وارننگ دی جاتی ہے، پھر ہوائی فائرنگ اور پھر جواب دیا جاتا ہے، بنوں واقعہ اس لیے ہوا کہ ہمارا عدالتی و قانونی نظام 9 مئی کے منصوبہ سازوں اور سہولت کاروں کو ڈھیل دے گا اور کیفر کردار تک نہیں پہنچائے گا تو ملک میں انتشار مزید پھیلے گا اور فسطائیت بڑھے گی۔