جسٹس اطہر من اللہ کا فیصلہ، چیف جسٹس فائز عیسیٰ کا اختلافی نوٹ جاری

اسلام آباد (کھوج نیوز) چیف جسٹس آپ پاکستان جسٹس قاضی فائز عیسیٰ نے جسٹس اطہر من اللہ کے فیصلے پر اختلافی نوٹ جاری کر دیا ہے جس کی تفصیلات سامنے آگئی ہیں۔

تفصیلات کے مطابق سپریم کورٹ آف پاکستان کے چیف جسٹس فائزعیسیٰ نے جسٹس اطہرمن اللہ فیصلے سے جزوی اختلافی نوٹ جاری کر دیا ، چیف جسٹس نے کہا کہ ہائیکورٹ کا فیصلہ دوسری ہائیکورٹ پر بائنڈنگ نہیں، جسٹس اطہر فیصلہ میں قرار دیا گیا ایک ہائیکورٹ کا فیصلہ دوسری ہائیکورٹس پر بائیڈنگ ہے۔ اختلافی نوٹ کے مطابق پاکستان ایک وفاق ہے جس کے ہر صوبے کی ہائیکورٹ مکمل آزاد ہے، ایسا کوئی آئینی تقاضا نہیں کہ ایک ہائیکورٹ کا فیصلہ دوسری ہائیکورٹ پر بائنڈنگ ہو۔ قانون اور روایت کا تقاضا ہے کہ سماعت مکمل ہونے پر عدالت جلد کیس کا فیصلہ دے۔ چیف جسٹس نے اپنے نوٹ میں کہا کہ شاہ تاج شوگرمل کیس کی سماعت 6 دسمبر 2023 کو مکمل کی گئی اور فیصلہ لکھنے کی ذمہ داری جسٹس اطہر کو سونپی گئی، مناسب وقت پر فیصلہ سنانا انصاف فراہمی کا ناگزیر جز ہے، سپریم کورٹ نے خاص ٹائم فریم میں فیصلہ دینے کی عدالتوں کا احکامات جاری کر رکھے ہیں۔