عمران خان کا 12 مقدمات میں جسمانی ریمانڈ کالعدم قرار دینے کا تحریری فیصلہ جاری
جسمانی ریمانڈ دیتے ہوئے قانون کی خلاف ورزی کی گئی، جسمانی ریمانڈ کے دوران جوڈیشل مجسٹریٹ نے الزامات کا جائزہ لینا ہوتا ہے: لاہور ہائیکورٹ
لاہور(کھوج نیوز) لاہور ہائیکورٹ نے عمران خان کا 12مقدمات میں جسمانی ریمانڈ کالعدم قرار دینے کا تحریری فیصلہ جاری کردیا’ جسٹس طارق سلیم شیخ اورجسٹس انوارالحق پنوں پر مشتمل 2 رکنی بینچ نے5 صفحات پر مشتمل تحریری فیصلہ جاری کیا۔
تفصیلات کے مطابق لاہورہائیکورٹ نے اپنے تحریری فیصلے میں لکھا کہ جسمانی ریمانڈ دیتے ہوئے قانون کی خلاف ورزی کی گئی، جسمانی ریمانڈ سے متعلق اعلی عدالتوں کے فیصلے موجودہیں، جسمانی ریمانڈ کے دوران جوڈیشل مجسٹریٹ نے الزامات کا جائزہ لینا ہوتا ہے۔ لاہور ہائیکورٹ کے ججز نے اپنے فیصلے میں لکھا کہ عمران خان کی درخواستوں کو منظور کرتے ہوئے ان کا جسمانی ریمانڈ کالعدم قرار دیا جاتا ہے۔ عدالتی فیصلے کے مطابق پراسکیوٹر جنرل عدالت کو قانونی طور پر مطمئن نہیں کرسکے، اگر مقدمہ نہیں بنتا تو جج مقدمہ ڈسچارج کرسکتا ہے، آئین ہر شہری کو حقوق فراہم کرتا ہے۔
