آئی ایم ایف سے جلد معاہدہ کا امکان، چین کیا کردار ادا کر رہا ہے: وزیر خزانہ اورنگزیب کا بیان
یکم جولائی سے انڈسٹری کو 68 ارب کے ریفنڈز دیے جاچکے ہیں، ایف بی آر میں اصلاحات سے متعلق وزیراعظم ہر ہفتے اجلاس کر رہے ہیں: اورنگزیب
اسلام آباد (کھوج نیوز) وفاقی وزیر خزانہ محمد اورنگزیب نے بڑا دعویٰ کیا ہے کہ آئی ایم ایف سے جلد معاہدہ ہو جائے گا اور اس معاہدہ میں چین بھی اپنا کردار ادا کر رہا ہے۔
تفصیلات کے مطابق وفاقی وزیر خزانہ محمد اورنگزیب نے کہا کہ اگر ہم میکرو اکنامک استحکام نہیں لاتے تو مسائل ہوں گے، ترقیاتی بجٹ بنا کر کوششیں کرچکے لیکن بیرونی ادائیگیاں کرنا بہت مشکل ہوگیا۔محمد اورنگزیب نے کہا کہ یکم جولائی سے انڈسٹری کو 68 ارب کے ریفنڈز دیے جاچکے ہیں، ایف بی آر میں اصلاحات سے متعلق وزیراعظم ہر ہفتے اجلاس کر رہے ہیں۔ انہوں نے کہا کہ زراعت کو ٹیکس رجیم میں لانے کیلئے اقدامات کیے جائیں گے، وزرائے اعلی زرعی ٹیکس کے حوالے سے قانون سازی کریں گے، تاجر دوست اسکیم متعارف کروائی ہے، ٹیکس واجبات کی ادائیگی سے معیشت مضبوط ہوگی۔ محمد اورنگزیب نے کہا کہ کوشش کر رہے ہیں نچلے طبقے پر ٹیکس کا بوجھ نہ ڈالا جائے، ملکی معیشت کی بہتری کے لیے اقدامات کر رہے ہیں، مقامی سطح پر ٹیکس کے حوالے سے بات چیت چل رہی ہے، میں سیلری کلاس میں سے ہی آیا ہوں۔
