ہوشیار خبردار …… محکمہ موسمیات نے بارشوں کی بڑی پیشگوئی کر دی

کراچی (کھوج نیوز) ہوشیار خبردار ……… محکمہ موسمیات نے بارشوں کی بڑی پیشگوئی کرتے ہوئے کہا کہ طاقتور مون سون ہوائیں 2 اگست سے راجستھان اوربحیرہ عرب سے سندھ پر اثر انداز ہوسکتی ہیں۔

تفصیلات کے مطابق محکمہ موسمیات کا بتانا ہے کہ کراچی میں آج اورکل بوندا باندی اور ہلکی بارش کا امکان ہے، شہر کا درجہ حرارت 31 سے 33 ڈگری سینٹی گریڈ تک رہنے کا امکان ہے۔ محکمہ موسمیات کے مطابق 2 سے 6 اگست کے دوران سندھ کیاکثر مقامات پر گرج چمک کے ساتھ بارش کا امکان ہے اور 3 سے 5 اگست کے دوران کراچی میں بھی درمیانی سے موسلا دھاربارش ہوسکتی ہے۔

محکمہ موسمیات کے مطابق شدید بارشوں، آندھی اورگرج چمک کے باعث کمزور تعمیرات اور سولرپینل کو نقصان کا اندیشہ ہے۔ محکمہ موسمیات کے مطابق موسلا دھار بارش کے باعث سندھ کے نشیبی علاقے زیرآب آسکتے ہیں، شدید بارشوں کے باعث کیرتھر اوربلوچستان کی پہاڑی ندی نالوں میں طغیانی کا خدشہ ہے، اس کے علاوہ دادو، قمبر شہدادکوٹ، جیکب آباد اور جامشورو میں سیلابی صورتحال ہوسکتی ہے۔