صوبہ بھرمیں سکول سےباہر رہ جانےوالےبچوں کی تعلیم کےلیےہرممکن اقدام کریں گے،وزیراعلیٰ مریم نوازکا اعلان

لاہور ( کھوج نیوز )وزیراعلیٰ پنجاب مریم نواز نےکہا کہ صوبہ بھرمیں سکول سےباہر رہ جانے والےبچوں کی تعلیم کےلیے ہرممکن اقدام کریں گے۔ معاشرے کےنظراندازطبقات کی بنیادی تعلیم کےلیےدرکار وسائل مہیا کیےجارہےہیں۔ وزیراعلیٰ مریم نواز نےعالمی یوم خواندگی پراپنےپیغام میں کہاکہ عالمی یوم خواندگی پرآج سب کو پڑھانے کےعزم کااعادہ کرتے ہیں۔ دین اسلام علم حاصل کرنے پر زوردیتاہے اورقرآن مجید میں بھی علم حاصل کرنے کی تلقین کی گئی ہے۔ خواندگی معیار زندگی کو بہتراور ترقی کے بے پناہ مواقع فراہم کرتی ہے۔

 وزیراعلیٰ مریم نواز نے کہا کہ سو فیصد خواندگی حاصل کیے بغیر ہم روشن مستقبل کے بارے میں سوچ بھی نہیں سکتے۔ تعلیم تک رسائی آسان بنانے کیلئے حکومت پنجاب تاریخی اور اختراعی اقدامات کررہی ہے۔ چیف منسٹر سکول نیوٹریشن پروگرام کے تحت 3 اضلاع کے4 لاکھ طلبہ کو دودھ کے پیکٹ دیئے جارہے ہیں۔ طلباء ہکو تعلیم وتحقیق میں معاونت کے لیے لیپ ٹاپ دے رہے ہیں۔ پنجاب کے طلباء کو ملکی اور غیر ملکی یونیورسٹیوں میں سکالرشپ دینگے۔ وزیر اعلیٰ مریم نواز نے کہا کہ طلبہ خاص طور پر طالبات کو آمدورفت میں آسانی کے لیے ہر تحصیل میں بسیں مہیا کرینگے۔انرولمنٹ کیمپین کے تحت بچوں کے داخلے کیے جارہے ہیں۔