آرٹیکل 63 اے فیصلہ کالعدم،سابق وزیراعلی پنجاب حمزہ شہباز کا بیان سامنےآگیا

لاہور(کھوج نیوز) سابق وزیراعلی پنجاب و نائب صدر مسلم لیگ (ن) حمزہ شہبازشریف نے آرٹیکل 63 اے فیصلہ کالعدم قرار دیئے جانے پر بیان جاری کردیا۔حمزہ شہباز نے کہا کہ آرٹیکل 63 اے کا فیصلہ کالعدم قرار دے کر سپریم کورٹ نے آئین کو دوبارہ لکھنے کے عمل کو غلط قرار دیا۔ انھوں نے کہا کہ گزشتہ فیصلے کو بنیاد بنا کر پنجاب میں حکومت کو گرایا گیا تھا۔ حمزہ شہباز نے مزید کہا کہ جمہوری عمل کا راستہ روکنے کے حربے کو سپریم کورٹ نے کالعدم قرار دیا ہے۔ حمزہشہباز کا کہنا تھا کہ آئین کی تشریح کے بجائے اس میں تحریف کی گئی تھی۔ معزز عدالت کے متفقہ فیصلے کا خیر مقدم کرتے ہیں۔