ڈی چوک احتجاج، علی امین گنڈا پور کا قافلہ کہاں ہے؟ اصل کہانی سامنے آگئی

راولپنڈی (کھوج نیوز) پاکستان تحریک انصاف کا ڈی چوک میں ہونے والے احتجاج، وزیراعلیٰ خیبرپختونخوا علی امین گنڈا پور کا قافلہ کہاں پہنچا ہے؟ اس حوالے سے اصل کہانی سامنے آگئی ہے۔

تفصیلات کے مطابق وزیراعلیٰ خیبرپختونخوا علی امین گنڈا پور کے قافلے کو دو گھنٹے سے زائد وقت سے برہان انٹرچینج کے قریب ہے۔ اس حوالے سے علی امین گنڈاپور کا کہنا تھاکہ برہان انٹرچینج کے قریب ہمارا قافلہ رکا ہوا ہے ، پرامن سیاسی کارکنوں پر بے تحاشا شیلنگ کی جارہی ہے۔ انہوں نے کہا کہ کارکنوں پر فائرنگ بھی کی گئی ہے، شیلنگ اور فائرنگ سے زخمی کارکنوں کو اسپتال منتقل کیا ہے۔ ان کا کہنا تھاکہ موٹر وے کو کھول کر بند کر دیا گیا ہے لیکن ہر صورت ڈی چوک پہنچیں گے۔ دوسری جانب ڈی چوک سمیت اسلام آباد کے کئی مقامات پر پولیس اور پی ٹی آئی کے کارکنوں کے درمیان جھڑپیں ہوئیں اور پولیس نے ڈی چوک سے 30 سے زائد پی ٹی آئی کارکن گرفتار کرلیے جن میں بانی پی ٹی آئی عمران خان کی بہنیں علیمہ خان اور عظمی خان بھی شامل ہیں۔