اسلام آباد میں قائم خیبرپختونخوا ہائوس کو سیل کیوں اور کس کے کہنے پر کیا گیا؟

اسلام آباد (کھوج نیوز) اسلام آباد میں قائم خیبرپختونخوا ہائوس کو سیل کیوں اور کس کے کہنے پر کیا گیا؟ اس حوالے سے اندرونی کہانی سامنے آنے کے بعد ایک نئی بحث کا آغاز ہوگیا ہے۔

تفصیلات کے مطابق اسلام آباد میں سی ڈی اے نے خیبرپختونخوا ہاؤس کے متعدد بلاک سیل کردیئے، سپیشل مجسٹریٹ سردار محمد آصف سیل کیے، اس مقصد کے لیے اسپیشل مجسٹریٹ، اسسٹنٹ کمشنر اور سی ڈی اے ٹیم خیبرپختونخوا ہاؤس پہنچی۔ سی ڈی اے ذرائع کا کہنا ہے کہ بلڈنگ رولز کی خلاف ورزی پر خیبرپختونخواہاؤس کے متعدد بلاک سیل کیے گئے کیوں کہ کے پی کے ہاس اسلام آباد کی لیز 2006 میں ختم ہو چکی تھی، خیبرپختونخوا ہاؤس کی لیز ختم ہونے پر سی ڈی اے نے انتظامیہ کو متعدد مراسلے بھیجے، جن میں سے آخری مراسلہ رواں سال تین مئی کو بھیجا گیا تھا جس میں کہا گیا کہ کے پی ہاس کی تجدید کروائی جائے مگر کے پی ہاؤس انتظامیہ نے کوئی توجہ نہ دی، متعدد نوٹسز کے باوجود تجدید نہیں کرائی گئی اس لیے عمارت سیل کی جا رہی ہے۔