وزیراعظم شہباز شریف کی چینی سفیر سے ملاقات، چینی باشندوں پر حملے کی تحقیقات خود کرنے کا اعلان

اسلام آباد(کھوج نیوز) وزیراعظم شہباز شریف کی چینی سفارتخانے میں چینی سفیر جیانگ زیڈانگ سے ملاقات، چینی باشندوں پر حملے کی تحقیقات خود کرنے کا اعلان کر دیا ہے۔

تفصیلات کے مطابق وزیراعظم نے چینی سفیر سے کراچی میں چینی قافلے پر دہشتگرد حملے پر اظہار تعزیت کیا اور چینی باشندوں کے جاں بحق ہونے پر شدید رنج و عالم کا اظہار کیا۔ وزیراعظم شہباز شریف کا کہنا تھا کہ دہشتگردی کے اس واقعے کے ذمہ دار افراد کی جلد از جلد شناخت کے لیے حکومت مکمل طور پر متحرک ہے،واقعے کے ذمہ داران کی جلد از جلد شناخت کے بعد انہیں کیفر کردار تک پہنچایا جائے گا،پاکستان میں موجود ہمارے چینی بھائیوں کے جان و مال کا تحفظ ہماری اولین ترجیح ہے ،پاکستان اور چین کے تعلقات کو نقصان پہنچانے کی اس گھنانی سازش کو ہرگز برداشت نہیں کیا جائے گا،اس واقعے کی تحقیقات کی میں ذاتی طور پر خود نگرانی کروں گا ،غیر ملکیوں کے لیے سیکیورٹی انتظامات کو مزید مضبوط کیا جائے گا۔