عمران خان کے سیل کی بجلی معطلی اور سہولیات واپسی سے متعلق خبروں کو بے بنیاد قرار دیدیا گیا

راولپنڈ ی(کھوج نیوز) پاکستان تحریک انصاف کے بانی عمران خان کے اڈیالہ جیل کے سیل کی بجلی معطلی اور سہولیات واپسی سے متعلق خبروں کو بے بنیاد قرار دے دیا گیا ہے۔

تفصیلات کے مطابق جیل ذرائع نے بتایا ہے کہ بانی پی ٹی آئی کو جیل مینوئل کے تحت تمام سہولیات دستیاب ہیں، بانی پی ٹی آئی کا معمول کا طبی معائنہ بھی کیا جاتا ہے۔ جیل ذرائع کے مطابق بانی پی ٹی آئی کو پڑھنے کے لیے دو انگریزی روزنامے روزانہ دیے جاتے ہیں، بانی پی ٹی آئی کے سیل کی بجلی ہروقت بحال رہتی ہے۔ جیل ذرائع کے مطابق پنجاب حکومت کی جانب سے 18 اکتوبر تک جیل میں ہر قسم کی ملاقاتوں پر پابندی ہے، سکیورٹی خدشات کے باعث جیل کی سکیورٹی سخت کی گئی ہے۔ جیل ذرائع کا کہنا ہے کہ بانی پی ٹی آئی کو کھانے کے لیے علیحدہ کچن دستیاب ہے، دو مشقتی بانی پی ٹی آئی کو شفٹوں میں دستیاب ہوتے ہیں۔