بانئ پی ٹی آئی کی بہنوں علیمہ خان اورعظمیٰ خان کےخلاف درج مقدمات،آئی جی پنجاب کو طلب کرلیا گیا

لاہور(کھوج نیوز) لاہور ہائی کورٹ نےبانئ پی ٹی آئی کی بہنوں علیمہ خان اورعظمیٰ خان کےخلاف درج مقدمات کی تفصیلات کےلیےدرخواست پرسماعت کے دوران آئی جی پنجاب کو طلب کرلیا۔ جسٹس علی ضیاء باجوہ نےعلیمہ خان کے بیٹے شیراز خان کی درخواست پر سماعت کی۔ سماعت کے آغازمیں سرکاری وکیل نےاستدعا کی کہ ہمیں مقدمات کی تفصیلات فراہم کرنے کے لیے مہلت دی جائے۔ عدالت نے کہا کہ مہلت نہیں دی جا سکتی، آئی جی پنجاب عدالت میں پیش ہو کر تفصیلات سے آگاہ کریں۔

جس کے بعد عدالت نے آئی جی پنجاب کو طلب کرتے ہوئے سماعت آج 2 بجے دن تک ملتوی کر دی۔ علیمہ خان کے بیٹے شیراز خان کی جانب سے دائر کی گئی درخواست میں مؤقف اپنایا گیا ہے کہ علیمہ خان اور عظمیٰ خان اسلام آباد میں درج مقدمے میں جسمانی ریمانڈ پر ہیں، خدشہ ہے کہ ان کو نامعلوم مقدمے میں دوبارہ گرفتار کیا جائے گا۔