عمران خان سے ملاقات کا معاملہ، بلاول بھٹو کی بیرسٹر گوہر کو بڑی یقین دہانی

اسلام آباد(کھوج نیوز) پاکستان تحریک انصاف کے بانی عمران خان سے ملاقات کے معاملہ پر پیپلز پارٹی کے چیئرمین بلاول بھٹو نے بیرسٹر گوہر کو بڑی یقین دہانی کروا دی ہے۔

تفصیلات کے مطابق چیئرمین پیپلز پارٹی بلاول بھٹو نے جمعیت علماء اسلام (ف) کے سربراہ مولانا فضل الرحمان اور بیرسٹر گوہر علی سے ملاقات کی۔ ذرائع کے مطابق اسدقیصر نے بلاول سے گفتگو کی اور کہا کہ آپ جمہوریت کے دعویدارہیں ہمیں اتنی آپ سے توقعات ہیں۔ ذرائع نے بتایاکہ بلاول بھٹو زرداری نے بیرسٹر گوہر کو بانی پی ٹی آئی سے ملاقات کی یقین دہانی کرادی اور کہا کہ کل آپ کی بانی پی ٹی آئی سے ملاقات کا انتظام کرتا ہوں، کل آپ جائیں اور بانی پی ٹی آئی سے حتمی مسودے پرمشاورت کریں۔ ذرائع کا کہنا ہے کہ پی ٹی آئی نے بانی پی ٹی آئی سے حتمی آئینی ترمیمی مسودے پر مشاورت کیلئے کمیٹی بنادی جس میں بیرسٹرگوہر، سلمان اکرم راجہ، علی ظفر اور حامد خان شامل ہیں، بانی پی ٹی آئی سیملاقات کرنے والوں میں اسد قیصر بھی شامل ہوں گے۔