حکومت کو آئینی ترامیم کے لئے مولانا فضل الرحمان کی ضرورت،سینیٹرعرفان صدیقی نے بتادیا

اسلام آباد ( کھوج نیوز) مسلم لیگ (ن) کے سینیٹرعرفان صدیقی نےکہا ہےکہ حکومت نے آئینی ترمیم کےمعاملے پر جلد بازی نہیں کی۔ سینیٹرعرفان صدیقی نےسینیٹ میں اظہارخیال کرتےہوئےکہا کہ مولانا نےرائیونڈ، ایوان صدرسمیت متعدد دورے کئے، ہمارا اس ترمیم میں کوئی سیاسی فائدہ نہیں، عدالتی نظام کی اصلاح چاہتے ہیں، ہماری کوشش ہے پی ٹی آئی سمیت تمام جماعتیں اس کا حصہ بنیں۔
عرفان صدیقی نے مزید کہا کہ مولانا فضل الرحمان نے سیاسی حکمت کا مظاہرہ کیا، داد دیتے ہیں، ہمیں مولانا فضل الرحمان کا ووٹ اور ساتھ چاہئے، بلاول بھٹو نے بھی معاملے میں اہم کردار ادا کیا، آئین نے ملک کو متحد رکھا ہوا ہے۔
انہوں نے مزید کہا کہ آئین کو برقرار اور سربلند رکھنا ہم سب کی ذمہ داری ہے۔