پاکستان
مائنس عمران سب کیلئےڈھیل اورڈیل،فیصل واوڈا نے خبر بریک کردی
فیصل واوڈا نے کہا ہے کہ بانی پی ٹی آئی کو پتا چل گیا ہے کہ ان کے لوگ انہیں چھوڑ کر بھاگ چکے اور بک چکے ہیں
اسلام آباد (کھوج نیوز)مائنس عمران سب کیلئےڈھیل اورڈیل،فیصل واوڈا نے خبر بریک کردی ۔رپورٹ کے مطابق سینیٹر فیصل واوڈا نے کہا ہے کہ بانی پی ٹی آئی کو پتا چل گیا ہے کہ ان کے لوگ انہیں چھوڑ کر بھاگ چکے اور بک چکے ہیں۔ انہوں نے کہا کہ اب پرانی پی ٹی آئی اور وکلا کی پی ٹی آئی ایک طرف ہوگی، بہنیں ایک طرف اور بیگم ایک طرف ہوں گی۔ انہوں نےکہا کہ ڈیل اورڈھیل کی آفرمائنس عمران سب کیلئے ہے، بانی پی ٹی آئی پہلے دلدل میں تھے اب سیاسی جہنم میں ہیں۔ فیصل واوڈا کا کہنا تھا کہ بشریٰ بی بی لاہور کے بجائے پشاور پہنچ گئیں، ان کی ضمانت بدھ کوہوئی مگر بنی گالہ پر ایک ہفتےسے رنگ و روغن ہو رہا تھا، جو پچھلے بارہ سال سے نہیں ہوا۔ ان کا کہنا تھا کہ گوگی فرینڈشپ مال اور منیادا کی دوستی ہوتی ہے جو سب جگہ نظر آتی ہے۔
