جوڈیشل کمیشن کی تشکیل کا معاملہ، سردار ایاز صادق نے بڑا قدم اٹھا لیا

اسلام آباد(کھوج نیوز) جوڈیشل کمیشن کی تشکیل کے معاملہ پر سپیکر قومی اسمبلی سردار ایاز صادق نے بڑا قدم اٹھاتے ہوئے حکومت اور اپوزیشن ارکان کیلئے بڑا حکمنامہ جاری کر دیا ہے۔

تفصیلات کے مطابق ذرائع نے بتایا ہے کہ سپیکر قومی اسمبلی سردار ایاز صادق نے دونوں جماعتوں سے دو دو ارکان کے نام مانگے گئے ہیں، جن میں سے سینیٹ اور قومی اسمبلی کے چار اراکین جوڈیشل کمیشن میں شامل کیے جائیں گے۔ اعلامیہ میں یہ بھی بتایا گیا کہ 13 اراکین پر مشتمل جوڈیشل کمیشن کی ذمہ داریاں بڑھائی گئی ہیں، اور یہ کمیشن سپریم کورٹ، ہائیکورٹس اور شرعی عدالت میں ججز کی تعیناتی کا کام کرے گا۔ تحریک انصاف نے بھی اس کمیشن کا حصہ بننے کا فیصلہ کیا ہے، جس کا اعلان پارٹی کی سیاسی کمیٹی کے خصوصی اجلاس کے بعد کیا گیا۔ اعلامیہ کے مطابق، پی ٹی آئی نے جوڈیشل کمیشن آف پاکستان کے ارکان کی نامزدگی پر اتفاق کیا ہے۔