پاکستان
عمران خان کا جیل میں کیا حال ہے؟ علی محمد خان نے سنسنی پھیلا دینے والا دعویٰ کر دیا
حکومت کیلئے سوال اٹھایا کہ آپ کے دور میں یہ سب کچھ نہیں ہو رہا کیا؟ بانی پی ٹی آئی کے کمرے کی بجلی5 دن بند رکھی گئی، انہیں جائے نماز پر سجدے کی جگہ تک نظر نہیں آتی تھی
اسلام آباد(کھوج نیوز) پاکستان تحریک انصاف کے بانی عمران خان کا جیل میں کیا حال ہے ؟ اس حوالے سے پاکستان تحریک انصاف کے رہنماء علی محمد خان نے سنسنی پھیلا دینے والا دعویٰ کر دیا ہے۔
تفصیلات کے مطابق پی ٹی آئی رہنما علی محمد خان نے دعویٰ کیا ہے کہ موجودہ حکومت کے دور میں کیا کچھ نہیں ہو رہا ہے؟ حکومت وقت کو اس کا جواب دینا ہوگا’ بانی پی ٹی آئی کے کمرے کی بجلی5 دن بند رکھی گئی، انہیں جائے نماز پر سجدے کی جگہ تک نظر نہیں آتی تھی۔ علی محمد خان نے مزید کہا کہ میں کسی سے رحم کی اپیل نہیں کر رہا، ملک کو آگے لے کر جانا ہے تو بانی پی ٹی آئی کو باہر لانا ہوگا۔ علی محمد خان نے کہا کہ جب تک پارلیمنٹ میرا اور تیرا لیڈر کا فرق رکھے گی تو بے توقیر رہے گی، وزرائے اعظم کے ساتھ زیادتی کا رونا رویا جاتا ہے کیا بانی پی ٹی آئی وزیر اعظم نہیں رہے؟
