سارے مقدمات آئینی بینچزمیں نہ لےکرجائیں،جسٹس منصور علی شاہ کےمعنی خیز ریمارکس

اسلام آباد(کھوج نیوز) سپریم کورٹ آف پاکستان نے سوئی نادرن کے زائد بلنگ کیس کو نمٹا دیا۔ سوئی نادرن گیس کے زائد بلنگ سے متعلق کیس کی سماعت جسٹس منصور علی شاہ اور جسٹس عقیل عباسی پر مشتمل 2 رکنی بینچ نے کی۔ سماعت کے دوران درخواست گزار کے وکیل نے کہا کہ اس کیس کی نظرِ ثانی تو ابھی زیرِ التواء ہے،  26 ویں آئینی ترمیم کے بعد اب یہ کیس آئینی بینچ میں جائے گا۔ 

جسٹس منصورعلی شاہ نےمسکراتےہوئےکہا کہ سارے مقدمات آئینی بینچزمیں نہ لےکرجائیں، کچھ مقدمات ہمارے پاس بھی رہنے دیں۔ جسٹس منصور علی شاہ نےکہا کہ اس کیس میں کوئی آئینی یا قانونی سوال موجود نہیں ہے۔ سپریم کورٹ نےکہا کہ زیرِالتوا نظرثانی کیس میں درخواست گزارسوال اٹھا سکتےہیں۔