اے این پی کو بڑا جھٹکا، سینئر سیاستدان خالق حقیقی سے جا ملے’ نماز جنازہ کب ادا کیا جائیگا ؟

خیبرپختونخوا (کھوج نیوز) عوامی نیشنل پارٹی (اے این پی) کو بڑا جھٹکا لگ گیا، سینئر سیاستدان خالق حقیقی سے جا ملے ؟ ان کا نماز جنازہ کب ادا کیا جائے گا؟ اس حوالہ سے پتا چل گیا ہے۔

تفصیلات کے مطابق الیاس بلور 9 جنوری 1940 کو پشاور، خیبر پختونخوا میں ایک سیاسی گھرانے میں پیدا ہوئے جہاں سے انہوں نے ابتدائی تعلیم حاصل کی، ایڈورڈز کالج سے فیکلٹی آف آرٹس کی ڈگری حاصل کی۔ انہوں نے 1969ء میں جامعہ کراچی سے بیچلر آف آرٹس کی ڈگری حاصل کی۔ 1999 میں الخیر یونیورسٹی، آزاد جموں و کشمیر سے مارکیٹنگ میں ماسٹر آف بزنس ایڈمنسٹریشن (ایم بی اے) کی ڈگری بھی حاصل کی۔

الیاس کمپنی فلور اینڈ جنرل ملز (پرائیویٹ) لمیٹڈ کے منیجنگ ڈائریکٹر کی حیثیت سے بھی خدمات انجام دے چکے ہیں۔ الیاس بلور 2012 کے سینیٹ انتخابات میں عوامی نیشنل پارٹی کے امیدوار کی حیثیت سے سینیٹ آف پاکستان کے لیے سینیٹر منتخب ہوئے تھے۔ مرحوم الیاس بلور اے این پی رہنما غلام احمد بلور اور شہید بشیر احمد بلور کے بھائی تھے۔ صدر مملکت آصف علی زرداری نے سابق سینیٹر اور عوامی نیشنل پارٹی کے رہنما الیاس احمد بلور کے اِنتقال پر اظہارِ افسوس کرتے ہوئے مرحوم کے اہل خانہ کے ساتھ تعزیت اور اِظہار ہمدردی بھی کیا ہے۔ صدر مملکت آصف علی زرداری نے الیاس احمد بلور مرحوم کے لیے دعائے مغفرت اور ورثا کے لیے صبر جمیل کی دعا بھی کی۔