علی امین گنڈا پور کو کھڈے لائن لگانے کی تیاری مکمل، کیا ہونیوالا ہے؟ چونکا دینے والی تفصیل آگئی

لاہور(کھوج نیوز) وزیراعلیٰ خیبرپختونخوا علی امین گنڈا پور کو کھڈے لائن لگانے کی تیاری مکمل کرلی گئی ہے ، اب کیا ہونے والا ہے؟ اس حوالے سے چونکا دینے والی تفصیل منظر عام پر آگئی ہے۔

تفصیلات کے مطابق انسداد دہشت گردی عدالت لاہور نے تھانہ مناواں کے مقدمے میں علی امین گنڈا پور کے وارنٹ جاری کیے ہیں۔ کاہنہ جلسے کے لیے آتے ہوئے گاڑیوں کے شیشے توڑنے پر پولیس نے علی امین کے خلاف مقدمہ درج کیا تھا۔ ستمبر میں علی امین گنڈا پور کے خلاف لاہور کے تھانہ مناواں میں مقدمہ درج کیا گیا تھا جس میں انسداد دہشت گردی ایکٹ، اقدام قتل سمیت 13 دفعات لگائی گئی تھیں۔ مقدمے کے متن کے مطابق سیالکوٹ انٹرچینج پر علی امین اسلحہ سے لیس ایک جتھے کی قیادت کررہے تھے، ان کے کہنے پر ٹال پلازہ پرکھڑی گاڑیوں کو آگ لگانے کی کوشش کی گئی اور مسلح جھتے نے اے کے 47 کے ذریعے پولیس مزاحمت بھی کی۔ ایف آئی آر میں کہا گیا کہ علی امین گنڈا پور کے ساتھ آنے والے لوگوں نے2 پولیس والوں کو بھی زخمی کیا اور ان کے کہنے پر ٹال پلازہ پر گاڑیوں کے شیشے توڑے گئے۔