ہمیں کام کرنے سے جو بھی روکے گا اسے نتائج بھگتنا ہونگے: آرمی چیف کا بڑا اعلان

اسلام آباد(کھوج نیوز) آرمی چیف جنرل عاصم منیر نے نیشنل ایکشن پلان کی اپیکس کمیٹی اجلاس سے خطاب کرتے ہوئے کہا کہ ہمیں کام کرنے سے جو روگے گا اسے نتائج بھگتنا ہوں گے۔

تفصیلات کے مطابق آرمی چیف جنرل سید عاصم منیر کا کہنا تھاکہ دہشت گردی کے خلاف جنگ میں ہر پاکستانی سپاہی ہے، اس جنگ میں کوئی یونیفارم میں ہے اور کوئی یونیفارم کے بغیر اور ہم سب کو مل کردہشت گردی کے ناسور سے لڑنا ہے۔ انہوں نے کہا کہ ہم سب پر آئین پاکستان مقدم ہے، آئین ہم پرپاکستان کی اندرونی اور بیرونی سکیورٹی کی ذمہ داری عائد کرتا ہے اور جوبھی پاکستان کی سکیورٹی میں رکاوٹ بنے گا، ہمیں کام کرنے سے روکے گا اسے نتائج بھگتنا ہونگے۔ آرمی چیف کا کہنا تھاکہ پاکستان آرمی اورقانون نافذ کرنے والے اداریگورننس میں موجود خامیوں کو روزانہ اپنے شہیدوں کی قربانی دیکرپوراکر رہے ہیں۔