پی ٹی آئی کا احتجاج، حکومت کا کریک ڈائون کا فیصلہ، چھاپے اور گرفتاریاں شروع

اسلام آباد(کھوج نیوز) پاکستان تحریک انصاف کے احتجاج کے اعلان پر حکومت نے کریک ڈائون کا فیصلہ کرتے ہوئے پارٹی رہنمائوں کی گرفتاریوں کے لئے چھاپے مار ٹیمیں تشکیل دیدی ہیں۔

تفصیلات کے مطابق تحریک انصاف کی جانب سے 24 نومبر کو اسلام آباد میں احتجاج متوقع ہے تاہم حکومت نے بھی ممکنہ احتجاج کے خلاف کریک ڈاؤن کا فیصلہ کرلیا ہے جس کیلئے سندھ پولیس کے 1350 سے زائدزیرتربیت اہلکارخصوصی ٹرین سے اسلام آبادروانہ کردیئے گئے ہیں۔ دوسری جانب حکومت نے گرفتاریوں کے لیے ٹیمیں تشکیل دے دی ہیں۔ اس کے علاوہ وفاقی پولیس نے 26 نمبر چونگی کے اطراف میں گرینڈ آپریشن کا فیصلہ کیا ہے جس کے تحت تمام تھانوں کے ایس ایچ اوز نفری کے ہمراہ 26 نمبرچونگی طلب کرلیے گئے ہیں۔ اسلام آباد ، کے پی اور پنجاب کے مختلف اضلاع میں 23 نومبر سے انٹرنیٹ اورموبائل فون سروس جزوی معطل کرنے کا بھی فیصلہ کیا گیا ہے۔