قانون ہاتھ میں لینےوالوں کےساتھ کیا سلوک کیا جائے گا؟وزیرداخلہ نےدوٹوک اندازمیں واضح کردیا

اسلام آباد(کھوج نیوز)وفاقی وزیرداخلہ محسن نقوی نےپولیس کو ہدایت کی ہےکہ اس باراسلام آباد میں قانون ہاتھ میں لینےوالی کسی شخص کو واپس نہیں جانےدینا۔وزیر داخلہ نےصبح سویرے پولیس لائنزاسلام آباد کا دورہ کیا اورقیام امن کےلیےاسلام آباد پولیس کی جانفشانی کی تعریف کی۔ اس موقع پرآئی جی اسلام آباد پولیس، چیف کمشنر، ڈی آئی جی اور پولیس افسران کی بڑی تعداد بھی پولیس لائنز میں موجود تھی۔
محسن نقوی کا کہنا تھا کل بیلاروس کا وفد اور 25 نومبر کو بیلاروس کے صدر پاکستان کا دورہ کر رہے ہیں، دورے کے پیش نظر اسلام آباد کو ہر صورت محفوظ رکھنا ہے۔ پولیس فورس نے ٹیم کی طرح مل کر کام کرنا ہے اور امن کو یقینی بنانا ہے، اسلام آباد کے امن و امان کو خراب کرنے والے ہر شخص کو گرفتار کرنا ہے، اس بار اسلام آباد میں قانون ہاتھ میں لینے والیکسی شخص کو واپس نہیں جانے دینا۔
وزیر داخلہ کا کہنا تھا ہمیں آپ اور آپ کی زندگیاں بہت عزیز ہیں، دوران ڈیوٹی تمام حفاظتی سامان پہننا ہے اور احتیاطی تدابیر اختیار کرنی ہیں، پولیس فورس نے ہیلمٹ اور حفاظتی جیکٹس پہن کر فرائض سر انجام دینے ہیں، ہم آپ کے ساتھ کھڑے ہیں اور ہمیشہ ساتھ کھڑے رہیں گے۔ محسن نقوی کا کہنا تھا کسی کو اسلام آباد میں امن و امان کی صورتحال خراب کرنے کی اجازت ہرگز نہیں دیں گے، امن و امان کو قائم رکھنے اور شہریوں کی جان و املاک کی حفاظت کے لیے ہر ممکن اقدامات کریں گے۔واضح رہے کہ پاکستان تحریک انصاف نے 24 نومبر کو اسلام آباد میں احتجاج کی کال دے رکھی ہے۔ پی ٹی آئی رہنماں کا کہنا ہے کہ اس بار مطالبات کی منظوری تک اسلام آباد سے واپس نہیں آئیں گے۔