مسلم لیگ ن اور پیپلز پارٹی کے درمیان بڑھتی ہوئی دوریاں، فیصلہ کن قدم اٹھا لیا گیا
وزیر اعظم شہباز شریف نے پاکستان مسلم لیگ ن اور پاکستان پیپلز پارٹی کے درمیان سیاسی و مختلف امور کے حوالے سے تعاون اور مسائل کے حل کے لیے کمیٹی قائم کر دی ہے
اسلام آباد(کھوج نیوز) مسلم لیگ ن اور پاکستان پیپلز پارٹی کے درمیان بڑھتی ہوئیے دوریوں کے پیش نظر رکھتے ہوئے فیصلہ کن قدم اٹھا لیا گیا تھا جس کے بعد دونوں پارٹیاں دوبارہ اکٹھے ہو جائیں گی۔
تفصیلات کے مطابق وزیر اعظم پاکستان شہباز شریف نے پاکستان مسلم لیگ ن اور پاکستان پیپلز پارٹی کے درمیان سیاسی و مختلف امور کے حوالے سے تعاون اور مسائل کے حل کے لیے کمیٹی قائم کر دی ہے۔ کمیٹی کے ارکان میں نائب و زیرِ اعظم و وزیرِ خارجہ سینیٹر محمد اسحاق ڈار، وزیرِ دفاع خواجہ محمد آصف، وزیرِ قانون و انصاف اعظم نذیر تارڑ اور وزیرِ اقتصادی امور احد خان چیمہ کو شامل کیا گیا ہے۔
وزیرِ ریاستی و سرحدی امور انجینیئر امیر مقام، وزیر اعظم کے سیاسی امور کے مشیر رانا ثنا اللہ، اسپیکر پنجاب اسمبلی ملک احمد خان، سینیئر وزیرِ پنجاب مریم اورنگزیب، خواجہ سعد رفیق، جعفر خان مندوخیل اور بشیر احمد میمن بھی کمیٹی کے ارکان میں شامل ہیں۔ وزیرِ اعظم نے کمیٹی کو پاکستان پیپلز پارٹی کے ساتھ تفصیلی مشاورت کے بعد سیاسی تعاون اور مسائل کے حل کی ذمہ داری سونپ دی ہے، کمیٹی پاکستان پیپلز پارٹی کی جانب سے نامزد کردہ ممبران کے ساتھ بات چیت کے لیے آئندہ کا لائحہ عمل کو طے کرے گی۔
