سونے کی بڑھتی قیمتوں کو لگام ڈال دی گئی، تازہ ترین نرخ منظر عام پر آگئے

کراچی (کھوج نیوز) ملک بھر میں بڑھتی ہوئی سونے کی قیمتوں کو آخر کار لگام ڈال دی گئی ہے ؟ 6دنوں کے بعد سونے کی قیمتوں میں یکدم کتنی کمی ہوئی؟ تازہ ترین نرخ منظر عام پر آگئے ہیں۔

تفصیلات کے مطابق ملک میں مسلسل 6 روز سے بڑھتی ہوئی سونے کی قیمت کو بریک لگ گئی ہے اور آج فی تولہ سونا 4300 روپے سستا ہوا ہے۔ سونے کی فی تولہ قیمت 4300 روپے کم ہونے کے بعد 2 لاکھ 78 ہزار 400 روپے ہوگئی ہے۔ 10 گرام سونے کا بھاؤ 3657 روپے کم ہو کر 2 لاکھ 38 ہزار 683 روپے ہے۔ عالمی بازار میں سونا 43 ڈالر کم ہوکر 2672 ڈالر فی اونس ہے۔ خیال رہے کہ گزشتہ ہفتے سونے کی قیمت میں مسلسل 6 روز اضافہ ہوا تھا۔