بیلاروس کےصدرالیگزینڈرلوکاشینکو اوروزیرِاعظم شہبازشریف مری پہنچ گئے

مری(کھوج نیوز)بیلاروس کےصدرالیگزینڈرلوکاشینکو اوروزیرِاعظم شہبازشریف مری پہنچ گئے۔وزیرِ اعظم شہباز شریف بیلاروس کےصدرکو مری میں دیےگئے ظہرانے میں شرکت کریں گے۔مسلم لیگ ن کے صدر نواز شریف اور وزیرِ اعلی پنجاب مریم نوازگزشتہ روز سے مری میں ہیں۔ واضح رہے کہ بیلاروس کے صدر 3 روزہ دورے پر پاکستان آئے ہوئے ہیں۔

گزشتہ روز وزیرِاعظم شہبازشریف اور بیلاروس کےصدر کےدرمیان دو طرفہ ملاقات میں باہمی تعاون اور اقتصادی و تجارتی تعلقات کو مزید مضبوط بنانے کے عزم کا اعادہ کیا گیا تھا۔شہباز شریف نے وزیرِ اعظم ہاس آمد پر بیلاروس کے صدر کو خوش آمدید کہا تھا جس کے بعد انہوں نے پاکستان میں پرتپاک استقبال اور میزبانی پر وزیرِ اعظم کا شکریہ ادا کیا تھا۔