گرفتاری کا خوف… علی امین گنڈا پور نے مقدمات میں ریلیف کیلئے ہاتھ پائوں مارنا شروع کر دیئے

اسلام آباد(کھوج نیوز) پاکستان تحریک انصاف کے رہنماء اور وزیراعلیٰ خیبرپختونخوا علی امین گنڈا پور نے گرفتاری کے خوف سے مقدمات میں ریلیف کے لئے ہاتھ پائوں مارنا شروع کر دیئے ہیں۔

تفصیلات کے مطابق وزیراعلیٰ کے پی علی امین گنڈاپور نے 26 نومبر کو اسلام آباد میں ہونے والے احتجاج پر درج مقدمات میں ریلیف کے لیے اسلام آباد ہائیکورٹ میں درخواست دائر کی جس میں ایس ایچ او تھانہ سیکرٹریٹ اور ریاست کوبذریعہ ایڈووکیٹ جنرل اسلام آبادفریق بنایا گیاہے۔ درخواست میں مؤقف اختیار کیا گیا ہے کہ ڈی چوک احتجاج پر 26 نومبرکو درج مقدمے سے دہشتگردی کی دفعات ختم کی جائیں یا ایف آئی آرپرکارروائی روکی جائے۔ درخواست میں کہا گیا ہے کہ احتجاج کے لئے آئینی حق استعمال کیا تو پولیس نے دہشتگردی کامقدمہ درج کرلیا، حتمی ریلیف کے طورپرتھانہ سیکرٹریٹ میں درج مقدمے سے دہشتگردی کی دفعات نکالی جائیں۔