جی ایچ کیو حملہ کیس، عدالت نے عمر ایوب کو بڑا جھٹکا دے دیا

راولپنڈی (کھوج نیوز) جی ایچ کیو حملہ کیس میں انسداد دہشت گردی کی عدالت نے پاکستان تحریک انصاف کے رہنماء اور قومی اسمبلی میں اپوزیشن لیڈر عمر ایوب کو بڑا جھٹکا دے دیا ہے۔

تفصیلات کے مطابق پاکستان تحریک انصاف کے رہنماء و قومی اسمبلی میں اپوزیشن لیڈر عمر ایوب کی بریت کی درخواست پر انسداد دہشت گردی عدالت نے محفوظ فیصلہ سناتے ہوئے ان کی درخواست خارج کر دی ہے ۔ واضح رہے کہ راولپنڈی کی انسداد دہشتگردی عدالت کے جج امجد علی شاہ نے عمر ایوب کے خلاف جی ایچ کیو حملہ کیس میں بریت کی درخواست پر سماعت کی تھی۔اس موقع پر پبلک پراسیکیوٹر ظہیر شاہ نے کہا کہ ملزم ہمراہی ملزمان کے اقبالی بیان میں نامزد ہے، فرد جرم سے قبل ملزم کی بریت استغاثہ کی شہادت کو متاثر کرسکتی ہے۔