آئی پی پیز سےمذاکرات،ایک اورکمپنی نےحکومت کےسامنے سرنڈر کردیا

اسلام آباد(کھوج نیوز)آئی پی پیز سے مذاکرات،ایک اور کمپنی نے حکومت کے سامنے سرنڈر کردیا۔کھوج نیوز رپورٹ کے مطابق آئی پی پیز سے مذاکرات کے نتیجے میں ایک اور کمپنی سے معاملات طے پاگئے۔ذرائع وزارتِ توانائی کے مطابق سیف پاور کمپنی کے بورڈ نے پاور پرچیز ایگریمنٹ معاہدے میں ترامیم کی منظوری دے دی ہے۔بورڈ نے ٹیرف تبدیل کر کے ٹاسک فورس کے تجویز کردہ ٹیرف پر نظرثانی کی ہے، سیف پاور کمپنی ہائبرڈ ٹیک اینڈ پے ٹیرف معاہدے پر عمل کی پابند ہوگی۔ذرائع کے مطابق کمپنی نے پاکستان اسٹاک ایکسچینج کو اعلامیے کے ذریعے مطلع کردیا ہے۔ذرائع کا کہنا ہے کہ 31 دسمبر تک مزید معاہدے سامنے آنے کا امکان ہے۔