انصاف میں تاخیر کے نقصانات، چیئرمین سینیٹ یوسف رضا گیلانی نے اہم نکتہ اٹھا دیا

ملتان (کھوج نیوز) انصاف میں تاخیر کے کیا کیا نقصانات ہیں؟ اس حوالے سے پاکستان پیپلز پارٹی کے رہنماء و چیئرمین سینیٹ یوسف رضا گیلانی نے اہم نکتہ اٹھا کر سب کو حیران کر دیا۔

تفصیلات کے مطابق چیئرمین سینیٹ سید یوسف رضا گیلانی کا کہنا تھا کہ اس تقریب میں آنا باعث اعزاز ہے، آرٹیفیشل انٹیلی جنس ہر شعبے پر اثر انداز ہو رہی ہے، دیکھنا ہو گا ٹیکنالوجی کس طرح انصاف کے حصول میں معاون ثابت ہو سکتی ہے۔ انہوں نے کہا کہ اے آئی صرف آئیڈیا نہیں حقیقت ہے، قوانین معاشرے میں انصاف کے حصول کے لئے اہم ہوتے ہیں، پاکستان میں انصاف کا حصول بہت مشکل ہے، ہمارے ہاں مقدمات کئی کئی سال التواکا شکار رہتے ہیں، انصاف میں تاخیر انصاف سے انکار ہوتا ہے۔سید یوسف رضا گیلانی کا مزید کہنا تھا کہ اے آئی کے استعمال سے انصاف بروقت میسر آ سکتا ہے، اے آئی کے استعمال کے آغاز میں مشکلات ہو سکتی ہیں، آرٹیفیشل انٹیلی جنس سے عالمی سطح پر اثرات مرتب ہو رہے ہیں۔