چینی کمپنیوں کو پنجاب میں سرمایہ کاری پرترجیحی بنیادوں پرسہولیات دی جائیں گی ،وزیراعلیٰ مریم نوازکی چائنز حکام کو یقین دہانی
مریم نوازنےاعتراف کیا کہ پاکستان اورچین نوازشریف اورشہبازشریف کے دورحکومت میں مزید قریب آئے۔ مریم نوازشریف نے مزید کہا کہ اہل چین سے انس میرے خون میں شامل ہے
لاہور(کھوج نیوز)چینی کمپنیوں کو پنجاب میں سرمایہ کاری پر ترجیحی بنیادوں پر سہولیات دی جائیں گی ،وزیراعلیٰ مریم نواز کی چائنز حکام کو یقین دہانی،واضح ہو کہ وزیر اعلی پنجاب مریم نوازشریف شنگھائی پہنچ گئیں وزیر اعلی پنجاب مریم نوازشریف کی شنگھائی میں مصروفیت کا آغازہو گیا اس سلسلے میں کیمونسٹ پارٹی آف چائنہ کی شنگھائی کمیٹی کے ڈپٹی سیکرٹری مسٹر ز زونگ منگ نے وزیر اعلی مریم نوازشریف کا پرتپاک خیر مقدم کیا ملاقات کے دوران ڈپٹی سیکرٹری مسٹر ز زونگ منگ کاپنجاب اور شنگھائی کے درمیان معاشی تعلقات کو مزید مستحق کرنے کے عزم کا اظہار کیا۔ملاقات میں تجارت، سرمایہ کاری، سائنس، ٹیکنالوجی، انڈسٹری اور انڈسٹری میں تعاون کو مزید فروغ دینے کی ضرورت پر زور دیا گیا۔ اکنامک اور ٹیکنالوجی کے شعبوں میں تعاون بڑھانے پر تبادلہ خیال بھی کیا گیا۔
وزیر اعلی پنجاب مریم نوازشریف نے پاکستانی طلبہ اور ماہرین کو ٹریننگ اور تعلیم کے مواقع فراہم کرنے پر شکریہ ادا کیا ۔ وزیر اعلی مریم نوازشریف کی شنگھائی بیسڈ کمپنیوں کو پنجاب کے سپیشل اکنامک زونز میں سرمایہ کاری کی دعوت دی اور سطح پرشنگھائی کا فنانشل اور ٹریڈ حب کے طور پر ابھرنا قابل تحسین امرہے۔ مریم نوازشریف نے اس خواہش کا اظہار بھی کیا کہ آٹو موبائل، آئی ٹی، سیمی کنڈکٹر اور روبوٹک سمیت دیگرشعبوں میں شنگھائی کی کمپنیوں سے اشتراک کار چاہتے ہیں۔ مریم نوازنے کہا کہ چین کے تعاون سے ماہرین کی کیپسٹی بلڈنگ سے پاکستان میں آئی ٹی انڈسٹری تیزی سے فروغ پارہی ہے۔ مریم نوازشریف کا یہ بھی کہا تھا کہ پاکستان کا آئی ٹی سیکٹرمایہ ناز صدر زی جن پنگ کے ویژن کے مطابق ترقی کرنے کی صلاحیت سے مالا مال ہے۔ مریم نوازشریف نے کہا کہ حکومت پنجاب شنگھائی حکام کے ساتھ آئی ٹی سیکٹر کو فروغ دینے کیلئے پوری طرح تیار ہیں۔
مریم نوازنے اعتراف کیا کہ پاکستان اور چین نوازشریف اور شہبازشریف کے دورحکومت میں مزید قریب آئے۔ مریم نوازشریف نے مزید کہا کہ اہل چین سے انس میرے خون میں شامل ہے۔ مریم نوازشریف نے کہا کہ چائناپاکستان اکنامک کاریڈورجیسے گیم چینجر پراجیکٹ کا آغاز نوازشریف اور شہبازشریف کے دورہ حکومت میں ہی ممکن ہوا۔ مریم نوازشریف کا یہ بھی کہنا تھاکہ کئی سال کے سیاسی اور معاشی عدم استحکام کے بعد پاکستان کی معیشت اور معاشی اعشاریے بڑھوتری کی طرف گامزن ہیں۔ مریم نوازشریف نے وعدہ کیا کہ چین کی کمپنیوں کو پنجاب میں سرمایہ کاری پر ترجیحی بنیادوں پر سہولیات دی جائیں گی۔ جبکہ ڈپٹی سیکرٹری ززونگ منگ نے کہا کہ تجارت، سرمایہ کاری،انفراسٹرکچراور عوامی رابطے،باہمی تعلقات کو مزید مستحکم کریں گے۔
