سوتنیں نہ بنو، شیر افضل مروت کی خواجہ آصف اور عطاء تارڑ پر تنقید

اسلام آباد(کھوج نیوز) پاکستان تحریک انصاف کے رہنماء شیر افضل مروت نے خواجہ آصف اور عطاء تارڑ پر تنقید کرتے ہوئے کہا کہ سوتنیں نہ بنو اور ایوان کو مچھلی منڈی نہ بنایا جائے۔

تفصیلات کے مطابق پاکستان تحریک انصاف کے رہنماء شیر افضل مروت کا کہنا تھا کہ میری ذاتی رائے ہے کہ قوم کے ساتھ جھوٹ بولا جاتا ہے، کوئی مذاکرات تب تک کامیاب نہیں ہوتے جب تک سیاسی قوتیں ٹی او آرز ڈسکس نہ کریں اور پھر وہ ٹی او آرز اسٹیبلشمنٹ سے ڈسکس کریں۔انہوں نے کہا کہ رانا ثنا اللہ آئے ہوئے ہیں، 8 مہینوں میں ہم نے دیکھا کہ یہ نیشنل اسمبلی نہیں ہے۔ان کا یہ بھی کہنا ہے کہ عوام نے مسائل کے ادراک کے لیے یہاں بھیجا ہے، ہمارے علاقوں میں طالبان نے قبضہ کیا ہے، کل خواجہ صاحب نے کہا کہ پی ٹی آئی کو پہل کرنا پڑے گی، کیا رانا ثنا اللہ حکومت کے باضابطہ مؤقف سے ہمیں آگاہ کریں گے۔ پی ٹی آئی کا کہنا ہے کہ خواجہ آصف کا بہت احترام ہے لیکن ان کی زبان بھی آگ اگلتی ہے، میں گلہ کرتا ہوں لوگ مرے لیکن وزیرِ اطلاعات نے غلط بیانی کی، کیا ممکن نہیں کہ ٹی او آر اور مسائل کے حل کے لیے کمیٹی بنائیں۔ انہوں نے کہا کہ ایک دوسرے کے لیے کبھی کوئی مثبت بات نہیں کی، میڈیا مذاکرات کی بات کرتا ہے اور یہاں کہتے ہیں مذاکرات نہیں ہو رہے، سیاستدانوں میں ٹی او آر طے ہی نہیں کیے جاتے۔